Charter Document - 04050324

In dem namen der hailigen vnnd vntzertailbaren dryfaltigkait Ich Volrich abbt des gotzhus sannt Johanns im Thurtail allen gegenwurtigen vnnd kunftigen so disen brief werdend ansehen hail in dem der ain hail ist aller dingen vnnd wissenhait geschechner sach Es soellend wissen alle die denen es zuo wissen not ist das Ruodolff von Ramsberg vnnd Berchtold sin bruoder maister Geringers seligen soene verwendt habend ir zinsguot so sy gehept habend zu Entzenberg das man nempt an den Geren sannt Johannsen Wir hinwider verlihen habend ze lehen denselben Ruodolffen vnnd Berchtolden von Ramsberg vnnd iren erben das so man nempt Langholtz mit aller lehengerechtigkait doch also das sy oder ir erben jerlich vnnserm gotzhus vßrichtend vier viertail kernen vff sannt Anndres tag Es ist och dartzuo angehenckt ob sach wer das deren gebrueder oder iren erben ainer vsß diser zit schiede das ire erben soelich lehen empfahind von ainem abbt der denntzemal ist vnnd demselben ain viertail wyns ze erschatz gebend Geschehen sind dise ding zuo Peterszell anno domini MCCLX an dem III tag brachmonats der III indition Darby sind gewesen die nachbenempten Wernher custer Burckhart lutprie[ster] Rudolf lutpriester zu Kalcheren Berchtold der keller genannt Keiser Albrecht genannt Prop[] maister Ruodolff von Ramsperg vnnd aber Ruodolff von Ramsperg vnnd maister Conrat von Birnow genannt Gumberg an dem Geren Diethelm genant Steck vnnd sunst vil mer