Charter Document - 04050317
| Charter Number: | 04050317 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1260 |
| Date type: | Internal, A.D. |
| Resource Link(s): |
Monasterium.net |
Charter:
Bertholdus divina miseratione abbas sancti Galli omnibus presentem litteram inspecturis sincere caritatis affectum et noticiam subscriptorum Noverint universi quos nosse fuerit oportunum quod cum dilecti in Christo Eberhardus de Bichelnse et Eberhardus filius eiusdem milites ministeriales ecclesie nostre possessiones suas in villa Thenninchon sitas valentes annuatim censum quadraginta duorum modiorum tritici nobis ea intentione resignassent ut ipsas religiosis sororibus in Thenninchon quarum fundatores existunt ordinis Cisterciensis instituta servantibus concedere dignaremur que etiam gratiam et licenciam nostram et conventus nostri habere dinoscuntur ut de bonis sive possessionibus predialibus et feodalibus ministerialium monasterii nostri nobilium hominum servorumque nostrorum possessiones seu bona cum suis redditibus sive proventibus ad valorem decem marcharum annuatim ad ius et utilitates proprias recipere valeant et habere Nos peticioni predictorum ministerialium pie annuentes prefatas possessiones sororibus prelibatis ratione prescripte indulgentie titulo hereditatis concessimus ea conditione quod duas libras cere nomine census nobis et nostro monasterio in festo sancti Galli persolvere debeant annuatim Huius rei testes sunt reverendus in Christo Rvodolfus abbas de Capella Cvonradus cantor Arnoldus sacerdotes et capellani eiusdem abbatis frater Volricus de Wediswile et [] socius eiusdem ordinis Predicatorum Rvdolfus dictus Giel de Glatheburch Walt de Lantsperch Eberhardus de Langenhart milites Heinricus conversus de Thenninchon et alii fide digni Ut autem predicta omnia apud posteros habeant noticiam meliorem et evidentiam pleniorem presentem litteram munimine sigilli nostri firmiter roboramus Actum et datum in munitione nostra Wile anno domini MCCLXIIII idus marcii