Charter Document - 04050305

B dei gratia sancti Galli et Rinavg[ensis] et A eadem gratia Maioris Aug[ie] abbates universis presencium inspectoribus affectum karitatis Noverint quos nosse fuerit opportunum quod inter consules et universitatem civium Turicen[sium] ex una et predilectum consanguineum nostrum Vol militem de Wellenberg ministerialem predicte ecclesie Aug[ensis] ex parte altera non solum super omnibus utrimque ablatis et illatis sed etiam super dampnis et iniuriis H et R ipsius militis fratruelibus quorum cum adhuc sint impuberes idem miles tutor esse dinoscitur per ipsos cives in exustione destructione castri Wellenberg et alias illatis de nostris auctoritate consilio et assensu bona fide sine omni dolo et fraude tam ipso milite in vinculis constituto quam post pura pax et plena taliter est ordinata et iuramento quod vulgo dicitur vrueht legitime firmata Partes ad invicem remiserunt quicquid hinc inde quocumque modo ablatum fuerat et illatum renunciantes omni actioni que ipsis super premissis competeret coram aliquo ecclesiastico iudice vel seculari eodem milite renunciante super eisdem similiter et remittente pro inpuberibus antedictis Et si iamdictus Vol miles immemor seu violator pacis ordinate et iuramento firmate occiderit vel vulneraverit aliquem de civibus antedictis obsides seu fideiussores subscripti infra mensem a tempore ammonitionis sibi super hoc facte se intra Turegum vel intra castrum Wintertur personaliter ponent in obstagium secundum consuetudinem terre super obstagiis hactenus observatam inde nullatenus recessuri antequam ipsi universitati civium pro violatione pacis prenotata persolvant C marcas puri argenti ponderis Turicensis Item si aliquem de civibus antedictis captivaverit miles prenotatus iidem obsides seu fideiussores infra octo dies post ammonitionem sibi super hoc factam se predictis locis et modis ponent in obstagium inde non recessuri antequam captivatus Turicensis restituatur indempnis totaliter et illesus et nichilominus pro violatione pacis persolvant predictis civibus XL marcas argenti ponderis prenotate Item si dictus miles pacem violaverit incendiis vel rapinis vel alio qualicumque dampno rerum obsides seu fideiussores premisso modo infra octo dies post ammonitionem se ponent in obstagium ibidem remansuri donec dampna illata civibus in duplum emendentur Sed si predictus miles aliquo dampno a se civibus illato dicat ex ignorancia non ex industria hoc factum fuisse vel si asserat se huiusmodi non Turicensibus sed aliis intulisse se offerens id legitime probaturum consules Turicenses qui pro tempore fuerint super huiusmodi dampno perquirere debent sub iuramento diligentius veritatem et si consules perquisita diligentia veritate sub suo dixerint iuramento dampna sibi per predictum militem illata idem miles dictis civibus de dampnis illatis satisfacere debet infra octo dies pene non subiacens graviori Si vero idem miles eadem dampna infra octo dies emendare non curaverit sepe dicti obsides tunc premisso modo se recipient in obstagium inde non recessuri antequam civibus de dampnis illatis ad plenam indempnitatem ab ipsis obsidibus vel railite fuerit in duplum satisfactum Preterea subscripti obsides seu fideiussores se obligaverunt ad hoc prestito personaliter iuramento quod impuberes ante dicti cum ad legittimam devenerint etatem super premissis prestabunt iuramentum quod urveht appellatur et tam pro se quam pro patruo suo antedicto premissam ordinationem seu compositionem ratam in omnibus habebunt et pregratam alioquin idem obsides ammoniti se ponent in obstagium ibidem remanendo donec omnia prenotata more debito compleantur Huiusmodi etiam compisitio seu pacis ordinatio inter partes semper debet inviolabiliter observari fideiussores autem seu obsides dati ad observandum premissa sub iuramento promissa et firmata per XX annos a presenti die integraliter computandos remanent sine dolo quolibet firmiter obligati Nomina vero obsidum seu fideiussorum sunt hec H de Griezenberg H de Rauenspurg R et C et R dicti Giel D villicus de Windegge Hiltbold de Stekbarn E de Bichelnse G de Grvonburg Vol de Winuelden Wal et C de Lindenberg Vol Bumbeler Vol de Wellenberg Al de Bussenang C de Lutgeringen Jo et G de Mvlhein Et in huius rei testimonium a partibus rogati presentem litteram sigillis nostris patenter communimus Acta et ordinata sunt hec apud Turegum in loco qui dicitur Oetenbach anno domini MCCLVIIII kl iulii indict secunda