Charter Document - 04050303
| Charter Number: | 04050303 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1259 |
| Date type: | Internal, A.D., Calendar |
| Resource Link(s): |
Monasterium.net |
Charter:
R comes de Raprechtswiller universis Christi fidelibus presentes litteras inspecturis salutem et rei geste noticiam Quoniam ea que in tempore geruntur simul cum tempore dilabuntur necesse est ut quod memorie habilitatem preter fugit scripture perpetuitate utiliter conservetur Proinde noveritis quod nos aream sitam iuxta lacum qui dicitur Walase prope domum sororum commorancium in loco qui dicitur Widon versus occidentem de qua area nobis census trium denariorum a Rodolfo dicto bi dem Bache annis singulis solvebatur ubi nunc est hortus holerum excultus a sororibus supradictis quibus idem Rod iam dudum eandem aream propter filias suas ibidem in collegio domino servientes reliquit quando cum fratre suo Rodolfo filio prefati Rodolfi hereditatem diviserunt memoratis sororibus pro anime nostre et parentum nostrorum remedio cum iure proprietatis quod ad nos antea in eadem area pertinebat de consensu et voluntate predicti Rodolfi libere ac spontanee contulimus manu nostra et supradictum censum trium denariorum ipsis relaxavimus ita quod nec ipse nec prefatus R nec ullus heres eius ipsum censum nobis aut nostris heredibus solvere teneatur In huius rei testimonium presentes litteras sigilli nostri munimine decrevimus roborare Acta sunt hec apud aream supradictam anno domini MCCLVIIII III kl iunii indict II presentibus testibus quorum nomina sunt hec frater H de Galgenn[un] frater C de Thurego Richwinus an dem Waege R dictus Wachirbolt Vol dictus Rvoemli R dictus Hawo R dictus Zoeli et filius suus Diethaelmus et alii quam plures qui huic donacioni pariter interfuerunt