Charter Document - 04050302
| Charter Number: | 04050302 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1259 |
| Date type: | Internal, A.D., Calendar |
| Resource Link(s): |
Monasterium.net |
Charter:
R comes de Raprechtswiller universis Christi fidelibus presentes litteras inspecturis salutem et rei geste noticiam Quoniam ea que in tempore geruntur simul cum tempore dilabuntur necesse est ut quod memorie habilitatem preter fugit scripture perpetuitate utiliter conservetur Proinde noveritis quod nos totam aream sitam iuxta Wesin in litore laci quod vocatur Widon cum iure proprietatis quod ad nos antea pertinebat quam aream Richwinus dictus de Ovtis a nobis pro annuo censu unius solidi possidebat et rivum aque de monte iuxta fluentem quem similiter idem Richwinus a nobis pro annuo censu unius solidi possidebat cum iure proprietatis quod ad nos antea pertinebat cum consensu et voluntate memorati Richwini et ipso presente pauperibus sororibus ibidem domino servientibus libere ac spontanee contulimus pro animarum parentum nostrorum et nostre remedio et salute per hanc donacionem nostram ipsum locum deo fundantes et in nostram protectionem tam res quam personas ipsarum sororum fideliter assumentes necnon et censum supradictum scilicet duorum solidorum ipsis perpetualiter et integre remittentes In huius rei testimonium presentes litteras ipsis concessimus sive dedimus sigilli nostri munimine roboratas Acta sunt hec in Raprechtswiller in domo sculteti anno domini MCCLIX klis febr indict II presentibus fratribus Hug priore Predicatorum H de Galgenn[un] H sculteto C Sarraceno Richwino an dem Waege Richwino de Ovtis et aliis quam pluribus