Charter Document - 04050298
| Charter Number: | 04050298 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1258 |
| Date type: | Internal, A.D., Feast |
| Resource Link(s): |
Monasterium.net |
Charter:
Notum sit omnibus presentibus et futuris quod nos B dei gratia abbas sancti Galli requisito et habito consensu capituli nostri dedimus atque concessimus Hein dapifero in Kiburc civi in Diezenhouen militi proprietatem prati siti in Reitenhart nominatim et exspresse consentiente comite Har de Kiburc seniore qui predictum pratum a monasterio nostro tenebat in feodum et de eodem prato infeodaverat dapiferum prelibatum ea conditione et pacto inter nos habito ut dapifer prescriptus monasterio nostro in vicem et cambium predicti prati proprietatem agri siti in Reitenhart prope Bvochberc in clivo ubi itur versus Wilistorf interveniente iterato voluntate et consensu comitis suprascripti liberam et cuiusque inpetitione absolutam traderet et donaret que singula facta et libere peracta hincinde confitemur consensu ac facto predicti comitis presentialiter interveniente singulis prenotatis Et ne contractus huiusmodi in aliquo claudicaret pro nobis et capitulo nostro omnibus de capitulo consentibus promisimus predictum cambium ratum et firmum habituros neque pratum iam dictum ullo umquam tempore repetituros Ut autem prescripta plena gaudeant roboris firmitate iussimus presentem cedulam nostri sigilli necnon capituli nostri robore consignari Acta sunt hec anno domini MCCLVIII in festo beate Fidis virginis et martyris aput sanctum Gallum