Charter Document - 04050284
| Charter Number: | 04050284 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1257 |
| Date type: | Internal, A.D. |
| Resource Link(s): |
Monasterium.net |
Charter:
Universis Christi fidelibus hanc paginam inspecturis Bertholdus dei gratia abbas sancti Galli rei geste noticiam cum salute Ne lites sopite per concordiam recidivent literarum solent et testium munimine roborari Mota igitur controversia inter nobiles viros Wolfradum et Wolfradum comites seniorem et iuniorem de Veringen ex una et viros religiosos Eberhardum abbatem et conventum de Salem ex parte altera super curia in Wildorf sita que vulgo dicitur der Niderhof et aliis possessionibus ibidem sitis quas ipse abbas et conventus cum eadem curia pro ducentis quinquaginta quinque marcis a viro nobili Bertholdo comite sancti Montis qui super hiis in forma iudicii eorundem abbatis et conventus waerandus exstitit conpararunt licet iidem comites predictas possessiones sibi asseruerint pertinere cum aliis possessionibus curia videlicet in eadem villa sita der Oberhof vulgariter nuncupata ab eodem Bertholdo comite postmodum conparatis quoniam in nos tamquam in verum arbitrum super premissis a partibus exstitit compromissum fide prestita corporali de servando arbitrio nomine iuramenti taliter fuimus arbitrati quod comites antedicti receptis sexaginta marcis argenti ab abbate et conventu predictis pro redemptione iuris sui dicti comites iuri si quid habebant vel habere videbantur in dictis possessionibus prius emptis pro se et heredibus suis renunciarent penitus et omnino pronunciantes insuper sepe dictos comites cum successoribus suis nichil iuris habere vel habuisse in curia dicta der Oberhof et aliis possessionibus postmodum conparatis que omnia et singula in instanti effectui fuerant mancipata Ut autem hec maius robur obtineant firmitatis et evidentiam pleniorem nos ad preces partium predictarum hanc paginam exinde conscribi et munimine sigillorum venerabilis patris domini E Constantiensis episcopi qui premissis interfuit et prefati Wolfradi comitis senioris cum sigillo nostro procuravimus roborari Act Constantie in ecclesia maiori anno domini MCCLVII V idus iunii coram testibus subnotatis videlicet magistro Chuon officiali et magistro Cuonrado de Tierberg viris nobilibus Cunrado de Warteberg et Hainr fratre suo dicto Struz Hainr de Valkenstain Hainr de Griezenberg Arnoldo de Biurgelun et Bertholdo de Hohenegge Ottonebertholdo de Waltpurg et Bertholdo de Rordorf dapiferis Hainr de Rauenspurg C et Vol de Bod[em]e H de Bienburg Ber de Vronhoven H et Eber de Stekborun Wer Gniftingo Wal et Goezwino de Hohenvels militibus de fratribus [] Salem Diethel Gozoldo Nychol et Volr monachis aliisque quam pluribus probis viris