Charter Document - 04050283

In nomine domini eterni amen nos Berhtoldus dei gratia abbas Manegoldus decanus Albertus prepositus totusque conventus monasterii sancti Galli ordinis sancti Benedicti Constantiensis diocesis venerabili In Christo Vol preposito et conventui monasterii de Rivthi Premonstratensis ordinis eiusdem diocesis salutem et sinceram In domino caritatem Multis et magnis occurrimus incommodis si nostra negocia litterarum et voce testium perhennamus Ea propter nos prehabito fratrum nostrorum unanimi consilio et consensu predium situm In Gvotolswile quod a Walthero milite et fratribus suis dictis de Willeberch fidelibus nostris pro certa summa peccunie iusto emptionis titulo comparastis vobis et vestro monasterio sub annuo censu unius libre cere ponderis Constantiensis custodi nostro qui pro tempore fuerit In festo sancti Galli annuatim solvende auctoritate presentium concedimus perpetuo libere possidendum Maxime Cum prefatum predium ad ius et proprietatem nostri monasterii non spectaverit ab antiquo nec umquam nobis In aliquo fuerit censuale sed ex eo quod pater prefatorum Wal et fratrum suorum qui noster fidelis extitit sicut Ipsi prenominatum predium a quodam libere conditionis milite cuius predium fuerat comparavit nobis tale ius In ipso fuerit acquisitum quod Ipsi illud nulli monasterio vendere poterant sine nostro consilio et consensu ut autem predicta concessio perpetuo gaudeat robore firmitatis nos hanc paginam vobis damus nostrorum sigillorum munimine patenter confirmatam Actum apud Sanctum Gallum anno domini MCCLVII indictione XV V idus iunii presentibus testibus infra scriptis videlicet Lvtoldo de Glateburg canonico ecclesie Constantiensis et Walthero canonico sancte Fidis Heinrico rectore ecclesie de Glatte Wernhero rectore ecclesie de Bvrron Heinr pincerna de Landegge Walthero de Elgowe Beringero de Landernberg Rvodolfo de Rorschach Egilolfo fratre eiusdem iuniore Cvonrado dicto Wirste et aliis quam pluribus fide dignis