Charter Document - 04050280
| Charter Number: | 04050280 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 |
| Date type: | Internal, A.D., Calendar |
| Resource Link(s): |
Monasterium.net |
Charter:
Fridericus comes de Toggenburg universis hoc scriptum intuentibus noticiam rei geste Expressum invenitur in iure quod quilibet sane mentis renunciari poterit iuri suo quod pro se noscitur introductum Ea propter noverint omnes quos nosce fuerit oportunum quod ego omne ius quod racione infeodacionis in quibusdam bonis sitis in Hysindowe hactenus habui que videlicet bona milites dicti de Bethchingen a meis parentibus in feodum habuerunt que eciam postmodum magister Heinricus de Wangen minister illustris viri H senioris comitis de Kiburg a prefatis militibus pro quadam summa peccunie comparata a me et a fratre meo Krafft similiter in feodum habere dinoscitur in salutem anime mee cenobio sancte Marie in Ruti ordinis Premonstratensis confero presentibus liberaliter et assigno renuncians bona fide omni iuri quod mihi in eisdem bonis hactenus competebat aut competere videbatur ita ut fratres eiusdem cenobii quitquid de eisdem bonis ad se conquirerere possint quacumque racione nullo deinceps ad me habito respectu possideant pacifice et quiete maxime cum ipsi super proprietate tocius predii Hirsindowe ad se pro censu annuo acquisita ab abbate et conventu sancti Galli speciale habeant instrumentum Ne autem quisquam hominum hanc meam donacionem valeat in posterum irritare hanc litteram trado preposito conventui predicti cenobii de Ruti meo sigillo patenter communitam Acta sunt hec in castra Gruenig[en] anno domini MCCLVI III id decembr ind XV