Charter Document - 04050273
| Charter Number: | 04050273 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1254 - 1255 |
| Date type: | Assigned |
| Resource Link(s): |
Monasterium.net |
Charter:
Magistro Her canonico ecclesie Constantiensis venerabilis domini Constantiensis episcopi iudici delegato Wer prepositus ecclesie Turicensis R comes de Rapreswiler salutem et delectionem Discretioni vestre significamus quod nos et magna pars civium Turicensium et alii quam plures pro certo et in veritate intelleximus quod Vol dictus Retich domum quam habebat sitam vffe Dorf libere et legaliter contulit pio loco in Bollingen et sororibus eiusdem loci et quod edem sorores eandem domum per sex septimanas et tres dies secundum ius et consuetudinem civitatis Turicensis quiete et pacifice possederunt censum etiam abbatisse Turicensi de eadem domo debitum annis singulis persolverunt Scire etiam vos volumus quod dicte sorores omnia premissa per testes idoneos et fide dignos coram auditore vel iudice quem ad hoc duxeritis deputandum possunt plene et legitime comprobare