Charter Document - 04050269
| Charter Number: | 04050269 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1254 |
| Date type: | Internal, A.D. |
| Resource Link(s): |
Monasterium.net |
Charter:
In nomine domini amen Nos Manegoldus decanus Albertus prepositus totusque conventus monasterii sancti Galli cum consensu et permissione venerabilis patris domini Bertholdi abbatis nostri locamus seu concedimus hospitali pauperum civitatis nostre seu gubernatoribus ipsius bonum nostrum dictum an din Geron quod pie recordationis quondam Covnradus de Grimminstein miles nobis et monasterio nostro pro salute anime sue donavit pro annuo censu trium fertonum puri argenti cum omni iure nobis in ipso competenti perpetuo possidendum quos utique tres fertones argenti ipsum hospitale seu gubernatores ipsius singulis annis in festo omnium sanctorum nobis in conventu nostro publice persolvere tenebuntur Preterea de bono ipso dare tenentur annuatim Covnrado de Grimminstein duos solidos monete publice pro iure advocaticio omni alio genere servitutis vel exactionis de bono eodem exigendo tam ex parte nostra quam etiam ipsius C penitus et omnino remoto In cuius facti memoriam et robur firmitatis presentem cartam sigillo nostro fecimus communiri Act anno domini MCCLIIII mense novembr indict XIII