Charter Document - 04050262
| Charter Number: | 04050262 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1254 |
| Date type: | Internal, Papal |
| Resource Link(s): |
Monasterium.net |
Charter:
Eidem Et tua supplex devotio et devota supplicatio nos inducunt ut tibi favorem et gratiam impendamus Hinc est quod tuis supplicationibus benignum impertientes assensum auctoritate tibi presentium indulgemus ut venerabilis frater noster [] episcopus Constantiensis in cuius existis diocesi in personam tuam non possit interdicti vel suspensionis aut excommunicationis sententiam super quocumque articulo promulgare absque speciali mandato apostolice sedis faciente plenam et expressam de hac indulgentia mentionem ita tamen ut privilegiis libertatum tibi et monasterio tuo ab eadem sede concessis nullum in posterum ex hac indulgentia preiudicium generetur et iuri eiusdem episcopi aliquid non accrescat Nulli [] nostre concessionis [] Presentibus post triennium [] Dat Anagnie II id iulii anno XII