Charter Document - 04050242
| Charter Number: | 04050242 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1253 |
| Date type: | Internal, Calendar, Papal |
| Resource Link(s): |
Monasterium.net |
Charter:
Frater Hugo miseratione divina tituli sancte Sabine presbyter cardinalis apostolice sedis legatus dilecto in Christo [] priori monasterii sancti Galli ordinis sancti Benedicti Constantiensis diocesis salutem in domino Exhibita nobis quorundam decanorum rectorum vicariorum et clericorum in terra venerabilis fratris abbatis monasterii sancti Galli predicte diocesis peticio continebat quod cum venerabilis pater Constantiensis episcopus terram predicti abbatis supposuisset auctoritate ordinaria interdicto ac postmodum pro eo quod interdictum huiusmodi non servabant eadem auctoritate in personas eorum excommunicationis sententiam promulgasset iidem per iuris ignorantiam sic ligati in suis ministraverunt ordinibus et alias immiscuerunt se divinis Verum cum circa eos sint predicte sententie iuxta formam ecclesie relaxate supplicari fecerunt humiliter sibi super premissis de dispensationis gratia provideri De tua igitur circumspectione plenam in domino fiduciam obtinentes discretioni tue qua fungimur auctoritate mandamus quatinus iniuncta presumpcionibus huiusmodi de quorum absolucione tibi constiterit penitencia competenti eisque ad tempus prout expedire videris a suorum ordinum executione suspensis tandem si bo[ne fu]erint conversationis et vite aliudque canonicum non obsistat dispenses misericorditer cum eisdem Dat [Treveri] III nonas iunii pontificatus domini Innocentii pape IIII anno decimo