Charter Document - 04050232
| Charter Number: | 04050232 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1251 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius + episcopus servus servorum dei dilectis in Christo filiabus [] priorisse ac conventui monasterii de Bollingin Constantiensis diocesis salutem et apostolicam benedictionem Cum a nobis petitur quod iustum est et honestum tam vigor equitatis quam ordo exigit rationis ut id per sollicitudinem officii nostri ad debitum perducatur effectum Sane vestra petitio nobis exhibita continebat quod nobilis vir [] comes de Raprehtswiler et nobilis mulier [] comitissa uxor et A filia ipsius locum in quo monasterium vestrum quod est novella plantatio situm est quasdam possessiones et alia bona ad ipsos spectantia vobis pietatis intuitu contulerunt prout in litteris inde confectis plenius dicitur contineri Nos igitur vestris supplicationibus inclinati quod super hoc a comite comitissa et filia predictis provide factum est ratum et gratum habentes id auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Siquis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Mediolani III non septembr pontificatus nostri anno nono