Charter Document - 04050231
| Charter Number: | 04050231 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1251 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum dei dilecto filio [] scolastico Argentinensi salutem et apostolicam benedictionem Cum sicut dilecti filii [] abbatis sancti Galli Constantiensis diocesis petitio nobis exhibita continebat venerabili fratri nostro [] Constantiensi episcopo indulxisse diceremur ut ad se posset revocare ac corrigere processum executorum qui super quibuslibet provisionibus in sua civitate ac diocesi a sede apostolica vel legatis eius fuerint deputati et per hoc idem abbas timeret ne ipse episcopus huiusmodi pretextu indulgentie clericos suos in prosecutione gratiarum eis concessarum a nobis impediret vel etiam infructuosas redderet eis gratias memoratas et sic per consequens subtraheret ei eorundem obsequia clericorum nos ipsius abbatis precibus inclinati litterarum nostrarum auctoritate decrevimus predictam indulgentiam siqua forsan existeret ad eorundem clericorum causas aliquatenus non extendi Ideoque discretioni tue per apostolica scripta mandamus quatinus dictos clericos non permittas super hiis contra nostre constitutionis tenorem ab aliquibus indebite molestari molestatores huiusmodi per censuram ecclesiasticam appellatione postposita compescendo Dat Lugduni II non aprilis pontificatus nostri anno octavo