Charter Document - 04050214

[] abbati sancti Galli Constantiensis diocesis Cum sicut dilectus filius nobilis vir [] comes de Tokkenburk devotus noster nobis exposuit idem pro defensione libertatis ecclesiastice ac promotione negotii ecclesie generalis contra F quondam imperatorem recipiens signum crucis multis periculis se non dubitarit exponere utpote qui a fautoribus eiusdem F resistendo eorum conatibus et elidendo ipsorum impetus in conflictu pluries extitit vulneratus nos volentes eidem propter hoc in persona dilecti filii Radulfi fratris sui electi monasterii sancti Johannis in Turzal ordinis sancti Benedicti Constantiensis diocesis gratiam facere specialem mandamus quatinus eidem parato ut asserit libere renuntiare electioni de se facte in monasterio supradicto de aliqua abbatia eiusdem ordinis quam acceptandam duxerit siqua in civitate vel diocesi Basilien[si] vacat adpresens vel quamprimum ad id se facultas obtulerit auctoritate nostra per te vel per alium providere procures Non obstante si pro aliis in eisdem civitate vel diocesi super consimili provisione scripserimus quibus nolumus [] usque generari sive si aliquibus a sede apostolica sit indultum quod ad receptionem vel provisionem alicuius compelli vel interdici suspendi aut excommunicari non possint per litteras apostolicas nisi expressam fecerint de indulto huiusmodi mentionem seu quavis alia indulgentia speciali vel generali sedis eiusdem sub quacumque forma concessa per quam huiusmodi provisio [] usque vel differri etiam si tenor ipsius de verbo ad verbum sit presentibus inserendus aut quod venerabili fratri nostro Basiliensi episcopo a nobis dicitur esse concessum ut nullus in provisionibus nostris preter ipsum esse debeat executor Contradictores [] Dat Lugduni VII id ian anno VIII