Charter Document - 04050212
| Charter Number: | 04050212 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1250 |
| Date type: | Internal, A.D., Calendar |
| Resource Link(s): |
Monasterium.net |
Charter:
B dei gratia sancti Galli abbas M decanus A prepositus totusque conventus eiusdem monasterii venerabilibus in Christo [] abbatisse et conventui monasterii de Magginowe salutem et post Marthe laborem Marie requiem contemplari Honestis petentium desideriis pium est accedere et ad eorum preces aures faciles inclinare Hinc est quod ad devotam vestre peticionis instantiam inclinati vobis duximus concedendum et permittendum ut ubicumque locorum a quibuslibet personis de prediis seu feodis nostri monasterii vestro monasterio possessiones alique titulo donationis venditionis seu commutationis provenerint illas licite recipere ac libere retinere debeatis usque ad summam decem mansorum ea conditione ut possessionibus eisdem ad manus abbatis qui pro tempore in nostro monasterio fuerit sicut moris est resignatis vos investituram ipsarum de manibus eisdem recipientes censum quem eis in recognitionem antiqui nostri monasterii dominii imponi contingerit sicut etiam de aliis nostri monasterii possessionibus ad vos devolutis statutum est et ordinatum persolvatis eam a vobis in perpetuum retributionem sperare volentes ut pro nobis tam vivis quam mortuis sed principaliter pro domino abbate specialius ac frequentius orare teneamini participationem omnium bonorum que a vobis in perpetuum domino concedente gerantur nobis plenariam concedentes Dat apud sanctum Gallum anno domini MCCL kl decembr indict VIIII