Charter Document - 04050206
| Charter Number: | 04050206 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1250 |
| Date type: | Internal, Papal |
| Resource Link(s): |
Monasterium.net |
Charter:
Innocentius + episcopus servus servorum dei dilectis filiis [] abbati et conventui monasterii de Wettingen Cisterciensis ordinis Constanciensis diocesis salutem et apostolicam benedictionem Iustis petencium desideriis facilem nos convenit prebere consensum et vota que a rationis tramite non discordant effectu prosequente complere Ex parte siquidem vestra dilectus filius frater Wernerus conversus monasterii vestri proposuit coram nobis quod cum quondam Henricus dictus Wandelbere ipsius monasterii fundator et quidam alii eidem monasterio possessiones et homines proprios sive servos cum omni iure quod habebant in eis pia liberalitate contulerint nobis idem conversus humiliter supplicavit ut providere vobis in hac parte paterna sollicitudine curaremus Nos igitur eiusdem conversi ac vestris supplicationibus inclinati concessiones easdem ratas et firmas habentes ipsas vobis et per vos monasterio eidem auctoritate apostolica confirmamus et presentis scripti patrocinio communimus Nulli ergo omino hominum liceat hanc paginam nostre confirmationis infringere vel ei ausu temerario contraire Siquis autem hoc attemptare presumpserit indignacionem omnipotentis dei et beatorum Petri et Pauli apostolorum eius se noverit incursurum Dat Lugduni II id iunii pontificatus nostri anno septimo