Charter Document - 04050204

Innocentius episcopus servus servorum dei dilecto filio [] abbati Heremitarum Constantiensis diocesis salutem [] Congruam officii nostri accionem exequimur si ecclesiarum et monasteriorum eorum cura et sollicitudo nobis imcumbunt utilitatibus intendentes ea in bono statu et robore studemus sollicite conservare Cum igitur per unionem sancti Galli et Renaugensis monasteriorum utriusque utilitatibus non depereat sed accrescat et non minus honori et profectui dicti Renaugensis quam ipsius sancti Galli monasteriorum etiam consulatur nobilitate ac magni nominis fama eiusdem monasterii sancti Galli et dilecti filii ipsius abbatis potentia et industria operantibus non modicum ad premissa de circumspectione tua plenam in domino fiduciam obtinentes mandamus quatinus si videris expedire prefatum Renaugense monasterium auctoritate nostra unias sancti Galli monasterio memorato con tradictores [] non obstante quod venerabili fratri nostro [] episcopo Constantiensi [] in ista littera usque executor Dat Lugduni III kl iunii anno VII