Charter Document - 04050196
| Charter Number: | 04050196 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum dei dilecto filio [] abbati de Salem Constantiensis diocesis salutem et apostolicam benedictionem Pie postulatio voluntatis effectu debet prosequente compleri ut devotionis sinceritas laudabiliter enitescat et utilitas postulata vires indubitanter assumat Dilectorum itaque filiorum [] abbatis et conventus monasterii sancti Galli ordinis sancti Benedicti devotis supplicationibus inclinati eis auctoritate apostolica duximus concedendum ut ecclesiam de Wila Constantiensis diocesis in qua ius obtinent patronatus cum eam vacare contigerit possint in usus proprios libere retinere proviso quod in eadem ecclesia per idoneum vicarium serviatur ne debitis divinorum obsequiis defraudetur reservataeidem vicario de ipsius ecclesie proventibus congrua portione ad debita procurationum diocesani et archidiaconorum onera supportanda in aliis diocesani eiusdem in omnibus iure salvo Quocirca discretioni tue per apostolica scripta mandamus quatinus dictos abbatem et conventum non permittas contra concessionis nostre tenorem ab aliquibus super hiis indebite molestari molestatores huiusmodi per censuram ecclesiasticam appellatione postposita compescendo Dat Lugduni VII id septembr pontificatus nostri anno sexto