Charter Document - 04050195
| Charter Number: | 04050195 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius + episcopus servus servorum dei dilectis filiis [] abbati et conventui monasterii sancti Galli ordinis sancti Benedicti Constantiensis diocesis salutem et apostolicam benedictionem Pie postulatio voluntatis effectu debet prosequente compleri ut devotionis sinceritas laudabiliter enitescat et utilitas postulata vires indubitanter assumat Vestris itaque devotis supplicationibus inclinati presentium vobis auctoritate concedimus ut ecclesiam de Wila Constantiensis diocesis in qua ius patronatus habetis cum eam vacare contigerit possitis in usus proprios libere retinere proviso quod in eadem ecclesia per idoneum vicarium serviatur ne debitis divinorum obsequiis defraudetur reservata eidem vicario de ipsius ecclesie proventibus congrua portione ad debita procurationum diocesani et archidiaconorum onera supportanda in aliis diocesani eiusdem in omnibus iure salvo Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Lugduni VII id septembr pontificatus nostri anno sexto