Charter Document - 04050193
| Charter Number: | 04050193 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum dei dilectis filiis conventui monasterii de Rinowe Constantiensis diocesis salutem et apostolicam benedictionem Cum monasterium vestrum bone memorie [] episcopo Constantiensi commisisse dicamur ne illud dicto episcopo rebus humanis exempto possit in bonis suis incurrere detrimentum nos attendentes quod per industriam et sollicitudinem dilecti filii [] abbatis sancti Galli Constantiensis diocesis prefatum monasterium possit gubernari utiliter et eius iura defendi illud eure sue secundum formam qua ipsum episcopo dicto commisimus nostrarum litterarum auctoritate duximus committendum Ideoque universitati vestre per apostolica scripta firmiter precipiendo mandamus quatinus prefato abbati obediatis et intendatis humiliter et devote Alioquin damus dilecto filio [] abbati Heremitarum Constantiensis diocesis nostris litteris in mandatis ut vos ad id monitione premissa per censuram ecclesiasticam appellatione remota compellat Dat Lugduni VII id septembr pontificatus nostri anno sexto