Charter Document - 04050186
| Charter Number: | 04050186 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
Monasterium.net |
Charter:
[] abbati sancti Galli Cum olim excommunicaverimus episcopum Curiensem immo potius denuntiaverimus eum vinculo excommunicationis astrictum pro eo quod F quondam imperatori cum adiutoribus et fautoribus suis excommunicato favebat certum sibi terminum assignantes infra quem coram nobis comparere curaret super hoc mandatis apostolicis pariturus et depositionis penam comminantes eidem nisi predicta efficaciter adimpleret licet idem episcopus postmodum per nuntium suum quem ad sedem apostolicam destinavit coram venerabili fratre nostro P Albanensi episcopo a nobis auditore concesso super premissis iuraverit nostris parere mandatis et ipsi Curiensi episcopo tam per nuntium mandaverimus memoratum quam per litteras speciales ut in manibus venerabilis fratris nostri [] Constantiensis episcopi plene caveret quod predicto F aliquod auxilium non prestaret et mandatis nostris humiliter obediret dictus tamen episcopus Curiensis coram prefato Constantiensi episcopo nullam nisi iuratoriam tantum inde prestare voluit cautionem propter quod iustam possemus in eundem episcopum Curiensem depositionis sententiam promulgare Volentes autem adhuc agere misericorditer cum eodem in die sancto iovis proximo preterito presente publica et generali congregatione fidelium sibi duximus iniungendum ut usque ad festum penteconstes proximo venturum dicto episcopo Constantiensi omnia castra Curiensis ecclesie que voluerit idem Constantiensis episcopus offerat et assignet nomine ipsius ecclesie Curiensis detinenda et infra illud festum personaliter compareat coram nobis mandatis nostris et beneplacitis pariturus Alioquin extunc omni dilatione remota secundum morem apostolice sedis ad eius depositionem sive ipse absens fuerit sive presens auctore domino procedemus Canonicis vero predicte Curiensis ecclesie districte mandamus ut usque ad predictum festum aliquos ex se ipsis ad presentiam nostram mittant qui si predictus episcopus preceptum nostrum non adimpleverit in hac parte plenam habeant potestatem super provisione Curiensis ecclesie supradicte recipiendi et etiam adimplendi nostre beneplacitum voluntatis Quocirca mandamus quatinus predicta omnia et singula eidem episcopo in loco in quo ad eum sine periculo haberi possit accessus nuntiari facias ac etiam per omnia loca in quibus expedire videris publices et facias publicari Dat Lugduni XIIII kl maii anno V In eodem modo [] Constantiensi episcopo verbis competenter mutatis In eodem modo archiepiscopis et episcopis et abbatibus prioribus decanis prepositis archidiaconis archipresbiteris et aliis ecclesiarum prelatis per Alamaniam constitutis verbis competenter mutatis