Charter Document - 04050173
| Charter Number: | 04050173 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1247 |
| Date type: | Internal, Calendar, Papal |
| Resource Link(s): |
Monasterium.net |
Charter:
P sancti Georgii ad Uelum aureum diacono cardinali apostolice sedis legato Cum sicut intelleximus Augense monasterium quod ad Romanam ecclesiam dicitur nullo medio pertinere Constantiensis diocesis eo quod habet prelatum inutilem et remissum adeo in spiritualibus et temporalibus graviter sit collapsum quod nisi celeriter adhibeatur remedium monasterium ipsum per negligentiam prelati eiusdem ad irreparabilis desolationis obprobrium deducetur nos bonum statum ipsius omni studio et sollicitudine affectantes mandamus quatinus per te vel per alium inquisita super hiis sollicite ac cognita veritate si dictum abbatem a regimine prefati monasteni contigerit amoveri monasterium ipsum ut per diligentiam prudentis gubernatoris resurgere valeat quod hactenus per negligentis rectoris incuriam dicitur cecidisse dilecto filio [] abbati sancti Galli ecclesie Romane devoto spiritualiter et temporaliter tamdiu gubernandum ab eo auctoritate nostra committas donec de predicto monasterio duxerimus aliter providendum Contradictores [] Dat Lugduni IIII kl oct anno V