Charter Document - 04050162
| Charter Number: | 04050162 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1246 |
| Date type: | Internal, A.D. |
| Resource Link(s): |
Monasterium.net |
Charter:
Bertholdus dei gratia abbas Manegoldus decanus Albertus prepositus totusque conventus monasterii sancti Galli venerabilibus in Christo Willebirgi priorisse cunctisque sororibus in Diessinhovin salutem ac perseverantem in dei obsequio voluntatem Ne rerum gesta et maxime super pietatis operibus celebrata apud posteritatem generis humani dampnosa detergat oblivio dignum est et utile litterarum ac testium memorie ea que geruntur summa cum diligentia commendare Quapropter tenore presentium universitati fidelium cupimus declarari quod nos ad peticionem vestram bonum in Widinstorf pro octoginta quatuor marcis argenti vobis vendidimus concedentes ac donantes vobis illud nomine ecclesie nostre pleno iure et libertate integra perpetuo possidendum statuentes ut singulis annis in festo sancti Galli unum fertonem cere in recognitionem antiqui dominii in bono ipso habiti collegium vestrum monasterio nostro dare census nomine teneatur Protestamur ad hec scripto presenti quod si aliquis super bono memorato vos maliciose presumpserit impetere vel molestare nos prout iuris ordo expostulat pro vobis in causa ipsa stare semper parati erimus et respondere Et ut hec firma permaneant et inconvulsa presentem paginam vobis concedimus sigillis nostris evidentius consignatam Dat apud sanctum Gallum anno domini MCCXLVI indict V quinto idus novembr