Charter Document - 04050132
| Charter Number: | 04050132 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 |
| Date type: | Internal, A.D. |
| Resource Link(s): |
Monasterium.net |
Charter:
In nomine domini amen Nos Waltherus dei gracia sancti Galli abbas universis Christi fidelibus tam futuris quam presentibus presens scriptum inspecturis notum fieri volumus quod Vlricus dapifer noster una cum Ruodolffo filio suo quoddam predium suum in Bleichen situm ad honorem sancte trinitatis et in suarum parentumque suorum remedium animarum cum omni iure proprietatis et advocacie hospitali novo nostri loci libere contulerunt hac sola interposita paccione videlicet quod si idem hospitale aliquo intercedente casu labans umquam depereat idem predium ad eorum et suorum heredum redeat potestatem Et ad huius paccionis intersignum statuerunt ut eis annuatim vel suis heredibus centum ova non racione vel nomine census vel iuris advocacii vel alicuius servicii sed tantum pro memoriali paccionis predicte de predio donentur eodem Ad horum itaque factorum firmitatis perpetuitatem nos ad predicti Ruodolffi peticionis instanciam presens scriptum nostri sigilli appensione duximus roborandum Dat apud sanctum Gallum anno dominice incarnacionis MCCXLIII ind ii