Charter Document - 04050131
| Charter Number: | 04050131 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 |
| Date type: | Internal, A.D., Calendar |
| Resource Link(s): |
Monasterium.net |
Charter:
W dei gratia sancti Galli abbas et E prepositus sancti Stephani Constantiensis omnibus tam presentibus quam futuris noticiam geste rei Noverint tam presentes quam populus qui nascetur quod cum nobilis vir Willeh comes de Tuwingen advocaciam monasterii de Martello ecclesie Constantiensi pro ducentis marcis argenti nomine pignoris obligasset licet instrumentum fundatoris ipsius monasterii in omni libertate conceptum sibi omne ius et dominium in dicto monasterio denegaret tandem comes predictus auxilium domini H episcopi Constantiensis contra suos hostes quesivit et accepit Nam copiosum exercitum illi in adiutorium transmisit propriam personam sibi presentando ubi nos cum milicia nostra in obsequio domini episcopi predicti fueramus Hostibus igitur suis subactis cum dominus episcopus regredi vellet petiit a comite prefato ut monasterium predictum quod sibi et ecclesie sue Constantiensi fuerat obligatum nomine et titulo legitime vendicionis transiret pro eadem peccunia ducentarum marcarum iam data in ius et dominium perpetuum ecclesie Constantiensis Wal preposito dicti monasterii pro hac re multum instante et dampnum per eundem comitem ecclesie Martellen[si] illatum prout comes petiit remittente Comes igitur predictus preces domini episcopi audivit et exaudivit et omni iuri si quod sibi in dicto monasterio competiit pro se et suis heredibus renunciavit ipsum ius et dominium nobis cernentibus sollempniter et expresse in manus domini episcopi et in ecclesiam Constantiensem pro se et suis heredibus perpetualiter transferens et transfundens litteras obligacionis seu inpignoracionis totaliter cassando et irritas decernendo In cuius rei evidenciam presens instrumentum nostro sigillo roboramus Nos E prepositus sancti Stephani Constantiensis huic tractatui nos interfuisse per appensionem nostri sigilli huic cartule profitemur Dat apud Bebilingen in castris anno domini MCCXLIII id augusti indictione II Testes sunt F comes de Zolre Ottoberdus dapifer de Walpurch H iunior de Stechborun C dapifer sancti Galli et filius eius H de Ramswach R de Roschach cum duobus filiis suis H Senphilinus cum multis aliis Preterea litteras huius facti continentes resignationem comitis Will predicti et translationem iuris monasterii predicti in ecclesiam Constantiensem comes antedictus contulit monasterio sepe dicto