Charter Document - 04050123
| Charter Number: | 04050123 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1243 |
| Date type: | Assigned |
| Resource Link(s): |
Monasterium.net |
Charter:
H dei gratia Constantiensis episcopus reverende in Christo [] abbatisse et conventui in Oberriet salutem in domino Quia dilecti in Christo [] abbas de Altorf et C scolasticus Argent[inensis] ex parte vestra a sede Magunt[ina] iudices impetrati contra vener[abilem] in Christo [] abbatem sancti Galli et conventum suum nobis mandatum noviter direxerunt ut sententias ab ipsis latas in prefatum dominum et conventum auctoritate ordinaria exequi deberemus et ex adverso dilecti in Christo [] prepositus de Curwalde et Vol Curiensis canonicus dictus de Iuualt a prenominato domino et conventu contra vos ab eadem sede postmodum obtenti ut dictis sententiis supersedere et executioni penitus deberemus suis nobis e contrario dederunt litteris in mandatis nos cum dubium nobis sit quibus iudicibus parere potius debeamus mandato priori supersedendum duximus in presenti vobis dando strictius in mandatis quatenus in proxima VI feria ebdom[adis] pentecostes huius anni in choro Constantiensi cum instrumentis vestris compareatis quoniam adversam partem citavimus similiter peremptorie ac cum suis instrumentis ad locum et terminum supradicta volentes per ipsarum continentiam bonorum consilio plenius experiri quorum mandatis parendum sit potius in predictis Dat Constantie VII id aprilis indictionis prime