Charter Document - 04050121
| Charter Number: | 04050121 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1243 |
| Date type: | Assigned |
| Resource Link(s): |
Monasterium.net |
Charter:
Reverendo in Christo patri ac domino H dei gratia Constantiensi episcopo S prepositus de Curwalde et Vol dictus de Juualt canonicus Curiensis iudices a sede Magunt[ina] delegati cum orationibus devotam reverentiam et honorem Pervenit ad aures nostras quod scolasticus Argent[inensis] et abbas de Altorf Argentinensis diocesis usurpantes sibi minus iuste iurisditionem cause iam dudum inter vener[abilem] in Christo abbatem et conventum monasterii sancti Galli ex parte una et monasterium de Oberriet ex altera ventilate cuius commissa nobis est cognitio quasdam vobis contra dictos abbatem et conventum sancti Galli sententias exequi mandaverunt Sed quia prudentiam vestram latere non credimus qualiter inter nos et illos Argent[inenses] super iurisditione huiusmodi iam dudum sit contentio suscitata proinde paternitati vestre auctoritate qua fungimur firmiter inhibemus quatenus mandatum eorundem super premissis minime attendatis vel saltim revocetis si forte iam ad executionem alicuius eorum sententie processistis cum sicut arbitramur satis constat nobis iurisditionem illorum si quam tamen habere videbantur per posteriores litteras ad nos obtentas evidentissime revocatam Alioquin si de iurisditione adhuc credideritis hesitandum tunc secundum regulam iuris postulata copia rescriptorum cognoscatis utrum nobis teneamini vel illis potius obedire Quod si contra formam iuris aliquid presumpseritis in nostre preiuditium iurisditionis aut etiam in favorem partis de contumatia sua nequiciter gloriantis scire debetis quod tamen cum reverentia vestra dicimus presumptionem vestram animadversione canonica fore severius castigandam Ego prepositus de Curwalde sigillo capituli mei usus sum Ego Vol de Juualt sigillo decani mei usus sum