Charter Document - 04050116
| Charter Number: | 04050116 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 |
| Date type: | Internal, A.D., Calendar |
| Resource Link(s): |
Monasterium.net |
Charter:
Universis Christi fidelibus hanc paginam inspecturis H de permissione divina Constantiensis episcopus noticiam geste rei Ut facta modernorum posteris plenius elucescant scripturarum solent indiciis eternari Presentes igitur noverint et futuri quod reverendus in Christo C abbas monasterii de Vischina cuius dominium nobis nostreque ecclesie in omnibus noscitur pertinere communicato conventus sui consilio et consensu curtim in Bassilsdorf quam ipsi bona fide iustoque titulo proprietatis nomine hactenus possedebant cum omnibus pertinenciis suis agris pratis terris cultis et incultis silvis nemoribus aqueductibus viis itineribus omnibusque servitutibus nobis presentibus et consencientibus reverendo in Christo A abbati sancti Blasii suoque monasterio pro quadraginta marcis argenti puri duabus minus exigente necessitate et utilitate sui monasterii manifesta vendidit et donavit perpetuo libere possidendam Nos vero advocaciam eiusdem curtis pro parte nostra et nobiles viri D et C et fratres ipsorum de Togginburch pro parte sua memorato abbati sancti Blasii suoque monasterio contulimus Burchardo de Huninchon iuri advocaticio dicte curtis quod a nobis iure tenuit feodali in nostris resignate manibus penitus et omnino renunciantes omni iuri quod in dicta curti habuimus vel habere videbamur in predictis omnibus casu aliquo contigente Quare nos monasterio sancti Blasii hanc cedulam contulimus in testimonium huius facti sigillorum nostri dictique abbatis de Vischina munimine roboratam Acta sunt hec apud Constantiam in curia nostra anno incarnacionis domini MCCXL tertio pridie non martii indictione prima presentibus viris providis et discretis Per maioris ecclesie et Eber sancti Stephani prepositis Bur decano Walthero Tihthelario et W de Ramstain canonicis Constantiensibus Ber plebano de Magoltisperch clericis D et C nobilibus de Togginburch Her de Arbona Eber et W fratribus de Bichilnse Wezel et Al fratribus de Haidilberch Fr et Petro de Honburch Joh et Vol de Castello pincernis et H de Oberewangen militibus et aliis quam pluribus tam clericis quam laicis in domino feliciter amen