Charter Document - 04050111
| Charter Number: | 04050111 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1243 |
| Date type: | Internal, A.D., Feast |
| Resource Link(s): |
Monasterium.net |
Charter:
Reverendo domino [] dei gratia abbati sancti Galli C scolasticus Argent[inensis] et C abbas de Altorf a sancte Magunt[ine] sedis iudicibus iudices delegati reverentiam et orationes in domino devotas Licet auctoritate qua fungimur contra dominationem vestram ad nostram citatam presentiam peremptorie Argent[inam] VI feria post purificationem beate virginis ad instantiam abbatisse et conventus de Oberieth ad prosequendam causam quam cum ipsis super quibusdam de Norsingin coram venerabili domino Constantiensi episcopo aggredi attemptastis cum non veneritis nec miseritis responsalem potuerimus durius processisse tamen nobilitati vestre quam speciali dilectione amplectimur deferre plurimum cupientes penam contumatie moderantes ab ingressu monasterii vestri vos excludimus conventui vestro ne in choro monasterii divinum peragant officium nichilominus prohibentes Prohibemus vobis etiam sub pena excommunicationis ne dictas abbatissam et conventum ad aliquod aliud iudicium super commisso nobis negotio pertrahatis Parati sumus autem vobis de predictis iusticie plenitudinem exhibere Dat Argentine anno domini MCCXLIII proximo sabbato post purificationem beate virginis