Charter Document - 04050105
| Charter Number: | 04050105 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1242 |
| Date type: | Internal, A.D., Calendar |
| Resource Link(s): |
Monasterium.net |
Charter:
Iudices sancte Magvnt[ine] sedis dilectis in Christo [] preposito de Curvvalde Cvriensis dyocesis et Vol dicto de Iuualt in prepositum Curiensem electo salutem in domino Cum in causa que inter venerabilem abbatem et conventum monasterii sancti Galli Constan[tiensis] dyocesis ex una parte et moniales monasterii in Obirriet Cisterciensis ordinis eiusdem dyocesis ex altera super quibusdam possesionibus vertitur venerabilis pater dominus [] Constan[tiensis] episcopus cognitis cause meritis pro predictis abbate et conventu diffinitivam sententiam auctoritate ordinaria duxerit promulgandam et parte adversa ab eadem sententia nostram presentiam appellante idem episcopus certum terminum secundam scilicet feriam proximam post festum beati Galli appellationi prefixit prosequende sicut in litteris ipsius episcopi super hoc confectis perspeximus plenius contineri quidam nuntius terminum ipsum preveniens pro predictis monialibus ad quosdam iudices a nobis in communi forma dicitur litteras impetrasse nullam de appellatione propria faciens mentionem Cum igitur tales littere utpote veritate tacita impetrate nullam optineant firmitatem discretioni vestre mandamus quatenus si que littere contra dictos abbatem et conventum ante terminum appellationi prosequende prefixum ad quoscumque iudices tacita appellatione a sede Magvnt[ina] apparuerint impetrate cum fraus et dolus nulli patrocinari debeat eas iudicetis irritas et inanes auctoritate nostra districtius inhibentes ipsis iudicibus ut auctoritate talium litterarum in causa ipsa aliquatenus non procedant revocetis quoque in irritum si quid occasione ipsarum exstitit attemptatum Quod si non ambo hiis exequendis potueritis interesse alter vestrum nichilominus exequatur Dat Magvntie MCCXLII XII kl novembris