Charter Document - 04050070
| Charter Number: | 04050070 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1233 |
| Date type: | Internal, A.D. |
| Resource Link(s): |
Monasterium.net |
Charter:
In nomine dei eterni amen Nos Rvodolfus dei gratia comes de Raprehswile presentibus protestamur nos quondam Christi pauperibus et beate virgini in Ruthi in ordine Premonstratensi servituris aream tunc in palude iuxta lacum in civitate Raprehswiler sitam nunc vero muro circumseptam in remedio tam mei quam parentum meorum libere donasse et publice omni stabilitate confirmasse et omni genere exactionis stivre videlicet et census vectigalis et thelonei et generalis vigilie vel custodie excepta ea que tempore belli arcius fieri solet liberam dimisisse Nunc vero quoniam placuit divine pietati nos altius honorare et iam prefatam civitatem firmius et iure pociori cum appendiciis suis possedisse prelibatam dortationem denuo animo volenti innovamus donantes easdem libertates cessantibus in eandem domum omnibus generibus exactionum stivre et census vectigalis et thelonei et generalis vigilie vel custodie sicut superius notatum est Ne igitur hec liberalis donatio a quoquam valeat in posterum infirmari presentis sigilli munimine decrevimus roborari Testes autem sunt hii Gerungus de Keimptvon Rvo de Galg[enne] Vol et Johannes de Windegge R de Bernegge milites Petrus minister Berngerus scultetus Ber Stovri Antonius H Dorfere Ber de Chaltebrunnen et frater eius H Jacobus filius Petri Wal de Vazhis Baldebreht de Wolfsberg Wernher de Veltchirch Vol Weise Cvo de Adlinchon C Lovdegast C de Bollingen Vol Wernher Vol Chvono de Gamelenstein et fere omnes cives predicti burgi H de Wolvesberg Arn Zeri R de Neninchon Wernherus Cundeberm Ar Wer H ab Ebinote Datum anno gratie MCCXXXIII VIII idus marcii