Charter Document - 04050062

Anno dominice incarnationis millesimo CCXXX primo die maii Nos Conradus divina povidentia abbas sancti Galli de voluntate et consensu totius conventus nostri ad petitionem venerabilis domini Hen dei gratia Bononiensis episcopi iudicis ab apostolica sede in causa que vertebatur inter nos ex parte una et Vbertum Guidonis Bachi procuratorem mercatorum Romanorum et Senensium ex parte alia cum ipso Uberto ad hoc speciale mandatum habenti sicut patet per publicum instrumentum per manum Chianti notarii confectum in causa que vertebatur coram dicto episcopo inter dictos mercatores et nos amicabiliter composuimus sub hac forma videlicet ut nos predicto Vberto renuntianti pro se et sociis suis omnibus actionibus et personalibus et realibus contra nos et successores nostros et monasterium nostrum coram dicto episcopo Bononiensi daremus quingentas marchas argenti in hiis locis et terminis videlicet apud Cumam tribus septimanis ante nativitatem domini prox[ime] venture medietatem et aliam medietatem ibidem de festo beati Martini prox[ime] venturi ad annum et hoc promisimus usque ad predictum locum sub nostra fortuna et periculo perferendum Econtra dictus Vbertus religione iuramenti exhabundanti interposito promisit quod sine dampno et expensis nostris nuntio quem nostris expensis mitteremus omnes litteras omnia instrumenta que sibi ad dictam compositionem videret expedire in curia dicti episcopi Bononiensis dari sine difficultate qualibet procuraret Promisit insuper quod si qua scripta a summo pontifice super dicta compositione essent necessaria seu expedientia ad hec obtinenda sine labore et expensis nostris modis omnibus quibus posset fideliter laboraret Ut hec inconvulsa et inconcussa permaneant sigilli nostri et conventus nostri munimine roboramus Testes qui interfuerunt sunt hii Argentinensis et Jmbriocensis prepositi magister C de Vuahirstebri magister C de Haigerloch comes de Chiburc et alii quam plures