Charter Document - 04050057
| Charter Number: | 04050057 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1229 |
| Date type: | Internal, Calendar, Papal |
| Resource Link(s): |
Monasterium.net |
Charter:
Gregorius episcopus servus servorum dei venerabili fratri [] episcopo Bononiensi salutem et apostolicam benedictionem Sua nobis dilecti filii Bartholomeus Ciriolus Accarisius Vbertus Jacobus et eorum socii cives Romani et Senenses petitione monstrarunt quod cum ipsi bone memorie [] episcopo Curiensi qui et abbas erat monasterii sancti Galli quandam pecunie summam pro Curiensis ecclesie ac ipsius monasterii procurandis negotiis mutuassent certis loco et termino sibi reddendam prout in instrumentis publicis exinde confectis dicitur plenius contineri eodem episcopo interim sublato de medio quia eis de pecunia ipsa non extitit satisfactum nos tibi nostris dedimus litteris in mandatis ut venerabilem fratrem nostrum [] Curiensem episcopum successorem ipsius ad solutionem predicte pecunie coartares sed proponente Curiensi predicto quod pecunia ipsa communiter pro ecclesia et monasterio supradictis fuerat mutuata nos iterato tibi mandavimus ut eum non compelleres nisi ad dimidiam partem pecunie persolvendam super reliqua contra monasterium sancti Galli actione predictis mercatoribus reservata Sicque ipsis de dimidia satisfacto nondum abbas sancti Galli qui nunc est sibi de reliqua satisfacere procuravit quare dampna gravia et expensas se asserunt incurrisse Quia vero monasterium cum aliorum dampno locupletari non debet eidem abbati nostris dedimus litteris in mandatis ut eis de pecunia ipsa cum iustis et moderatis expensis et congrua satisfactione dampnorum usuris omnino cessantibus satisfacere non post ponat Ideoque fraternitati tue per apostolica scripta mandamus quatinus si dictus abbas mandatum nostrum super hoc neglexerit adimplere tu eum ad id per censuram ecclesiasticam appellatione remota compellas Nullis litteris obstantibus interim dolo vel fraude a sede apostolica impetratis nec obstante constitutione de duabus dietis qua cavetur ne quis ultra duas dictas extra suam diocesim per litteras apostolicas ad iudicium trahi possit Dat Perusii XII kl novembr pontificatus nostri anno tertio