Charter Document - 04050056
| Charter Number: | 04050056 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1229 |
| Date type: | Assigned |
| Resource Link(s): |
Monasterium.net |
Charter:
H dei gratia Romanorum rex et semper augustus Universis imperii fidelibus quibus hec litere ostense fuerint gratiam suam et omne bonum Recognoscentes grata et preclara obsequia que dilectus princeps noster C venerabilis abbas sancti Galli pluries nobis exhibuit et exhibet incessanter de plenitudine consili nostri contulimus ei curiam nostram apud Criesserrun cum omnibus appendiciis suis videlicet hominibus agris cultis et incultis pratis pascuis aquis aquarumque decursibus libere tenendam et perpetuo possidendam mandantes et sub interminatione gratie nostre firmissime precipientes ut nullus sit qui dictum principem nostrum in prelibata curia impedire audeat aut dampnum ei vel gravamen aliquod irrogare Ad cuius etiam facti nostri robur in posterum valiturum presentem ei literam conscribi et sigillo nostro iussimus insigniri Dat apud Thiingen in castris XV kl septemb indict II