Charter Document - 04050045
| Charter Number: | 04050045 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1228 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine + patris et filii et spiritus sancti Ego C dei gratia sancti Galli abbas universitati fidelium salutem In domino ne labantur Cum tempore que geruntur In tempore litterarum debent ac testium memorie commendari universis igitur In Christo fidelibus tam futuris quam presentibus presens scriptum inspecturis Notum fieri volumus quod Cum congregatio quedam conversarum mulierum sub status sui pendulo In diversis locis tam intra quam extra civitatem sancti Galli degentium de stabili mansione sua diu permansissent incerte tandem B cocus et Vo Blarrarius divino excitati monitu super eas misericordia moti ob remedium animarum suarum In honorem dei omnipotentis eis quoddam curtile quod iuxta ripam que Nigra vocatur habebant donare decreverunt et In manus nostras resignando eis ita concedi rogabant ut ille locus In perpetuum deo dicatus non nisi bone conversationis hominibus ad inhabitandum debeat patere nos vero ut idem locus et In ipso deo et sanctis suis famulantes strictius ac specialius In abbatum protectione permaneant In posterum ad utrorumque scilicet dictorum virorum ac mulierum consensum et peticionem ipsum pro quodam censu videlicet pro una libra cere annuatim abbati persolvenda concessimus eandem habitationem sub protectione sanctorum confessorum Galli et Othmari et nostram suscipiendo Statuimus eciam quod si aliqua eis bona In posterum conferuntur sub eundem cedant censum et sub dicta protectione consistant ne autem In posterum contra id factum aliquid ausu temerario valeat attemptari presens instrumentum fecimus conscribi et sigilli nostri nostrique capituli munimine confirmari Dat apud Sanctum Gallum anno gratie MCCXXVIII indict prima II kl iulii