Charter Document - 04050033
| Charter Number: | 04050033 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis Anno incarnationis domini millesimo ducentesimo vigesimo quinto presidente apostolice sedi beatissimo Honorio papa tertio regnantibus gloriosissimo Romanorum imperatore Friderico rege Sicilie et Hainrico filio eius illustri Romanorum rege + Adelhaida de Metendorf cupiens laboriosam huius mundi vitam tempore sue dissolutionis aliquo bono opere prevenire cum B marito suo et H dicto Stabinezi herede eius allodium suum quod aput Hemberc habere dinoscebatur provide sine pravitate ecclesie sancti Galli in remedium anime sue sine spe recuperationis ea conditione tradidit quod dominus Rvodols Curiensis episcopus una cum conventu sancti Galli cuius extiterat abbas idem allodium pro quodam annuo censu perpetuo assignarent ecclesie de Cella sancti Petri ita quod versa vice de ipsa ecclesia ob recognitionem iuris quod ecclesia sancti Galli in prefato habet allodio iam dicte ecclesie sancti Galli solidus Constantiensis monete annuatim debeat exsolvi Item quicumque fuerit advocatus dicti allodii nomine advocatie singulis annis uno tantum Constantiensis monete solido debebit esse contentus et nullam insuper aliquo modorum in aliqua parte debet facere ampliorem exactionem Actum aput sanctum Gallum in presentia H plebani de Bernanc O plebani de Herinsowe H plebani de Marpach E plebani de Waltkiriche Diethalmi de Stainegge B de Burgilun R de Rorscha E et W de Bichilnse E et R de Ailgov C de Glateburc dapiferi sancti Galli et aliorum quam plurium Ad huius denique testamenti memoriam et robur perpetuo valiturum dictus dominus episcopus Curiensis abbas sancti Galli et conventus loci eiusdem preceperunt presentibus litteris sigilla eorum adponi Dat aput sanctum Gallum VIIII kl octob indictione XIII