Charter Document - 04050030
| Charter Number: | 04050030 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Internal, A.D., Calendar |
| Resource Link(s): |
Monasterium.net |
Charter:
Conradus miseratione divina Portuensis et sancte Ruffine episcopus apostolice sedis legatus dilectis in Christo [] abbati et conventui sancti Johannis in Tuortal Constanciensis diocesis salutem in Christo Iesu Iustis petentium desideriis facilem nos convenit prebere consensum et vota que a rationis tramite non discordant effectu prosequente complere Cum igitur venerabilis in Christo Conradus episcopus Constanciensis curam animarum et redditus ecclesie beate Marie virginis in Tuortal que Chapele appellatur capituli sui interveniente consensu ad usus mense vestre pie ac liberaliter duxerit conferenda ut parrochiani etiam ecclesie memorate pertinentes ad curtim in Syrna terram et alia bona sua conferre monasterio vestro valeant indulgendo sicut in autentico inde confecto et signato sigillis episcopi et capituli predictorum vidimus contineri nos vestris iustis postulationibus gratum impertientes assensum donationem predictam et concessionem sicut iuste et rationabiliter facte sunt vobis et per vos monasterio vestro auctoritate legationis qua fungimur confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumserit indignationem omnipotentis dei se noverit incursurum Dat apud Constanciam anno domini MCC vicesimo quarto IIII kl febr