Charter Document - 04050019
| Charter Number: | 04050019 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | |
| Date: | 1204 - 1209 |
| Date type: | Assigned |
| Resource Link(s): |
Monasterium.net |
Charter:
Noverit tam presentium quam futurorum industria quod ego Vdalricus dapifer in presentia domini mei reverentissimi Vdalrici abbatis huius loci predium quod habui ad Nideruuilen de quo persolvuntur annuatim in festo Thome apostoli XII solidi et tres modii tritici et ad Frimannehus in angulo X solidi et duo modii et in eodem vico item X solidi et duo modii et item in eadem villa X et tres modii tritici liberaliter tradidi deo ac beato Othmaro ea conditione ut exinde in circumcisione domini pro remedio animarum matris mee Adelheidis et fratris mei Operthi missa celebretur pro defunctis deturque stoupus et maior leibunculus fratribus panes etiam XII fratribus in hospitali dentur Et item fiat in anniversario coniugis mee Hadeuuigis quod est XVI kal april Et item in feria secunda stoupus post festum sancti Spiritus quousque vixero Et post obitum meum in anniversario meo detur missaque celebretur pro defunctis Et XVII kal iulii in anniversario patris Oprechti idem fiat et tam in pane quam in vino tam fratribus in monasterio quam in hospitali leprosis et inclusis et ut lumen singulis noctibus in capella sancti Michahelis administretur de ipso censu et de quolibet beneficio XL ova in pasca u dentur a singulis Et quicumque plebanus est in ecclesia sancti Othmari beneficium hoc recipiat et ipsi ab ipso beneficium hoc recipiant