Charter Document - 04050009

De Heremitis et de Monte sancte Marie abbatibus et preposito de Oningin Constantiensis et Curiensis diocesum In presentia dilecti filii P de Collemedio capellani nostri quem H diacono et M procuratori H Constantiensis prepositi dedimus auditorem diaconus proposuit memoratus quod cum a karissimo in Christo filio nostro F illustri rege Sicilie in Romanorum imperatorem electo ad ecclesiam de Montigil in qua idem rex ius patronatus obtinet fuisset diocesano episcopo canonice presentatus dictus diocesanus reprobri Ottonis timore vires adhuc in partibus illis habentis qui postquam fuerat excommunicatione legatus eidem presentaverat prepositum antedictum ipsum admittens eundem Henricum ad ipsam ecclesiam admittere recusavit Cumque idem H venerabili fratri nostro Curiensi episcopo et coiudicibus suis a bone memorie J papa predecessore nostro nogotium ipsum obtinuisset committi fine debito terminandum idem in causa ratione previa procedentes et approbantes quod a dicto rege factum fuerat in hac parte ipsam ecclesiam adiudicarunt diacono memorato et quod de dicto preposito per excommunicatum minus canonice factum extiterat irritato venerabili fratri nostro Constantiensi episcopo loci diocesano mandarunt ut ipsum institueret in ecclesia supradicta qui mandatum eorum prout decuit executioni demandans scripsit parrochianis ecclesie antedicte ut ipsi tamquam rectori suo in omnibus obediret Prepositus vero de predictis omnibus nulla prorsus habita mentione ad prepositum de Scuriget et conudices suos contra dictum decanum super ipsa ecclesia eiusdem predecessoris nostri litteras impetravit qui cum ei locum assignarent suspectum ad quem sine periculo corporis accedere non audebat nec ei vellent alium locum ad quem tute posset accedere assignare sufficientem procuratorem destinavit ad presentiam eorundem quem iidem iudices admittere noluerunt propter quod prefatus diaconus sedem apostolicam appellavit Iudices vero legitima eius appellatione contempta protulerunt excommunicationis sententiam in eundem Nominato itaque diacono propter hoc ad sedem apostolicam accedente prefatus predecessor noster ad petitionem ipsius dilectis filiis abbati sancti Galli preposito de Gutgal et Octoni canonico Curiensi mandavit ut si res taliter se haberet denuntiarent prefatam excommunicationis sententiam esse nullam et facerent clericum memoratum appellatione remota pacifica ipsius ecclesie possessione gaudere contradictores per censuram ecclesiasticam compescendo Partibus igitur in eorundem iudicum presentia constitutis predictus diaconus cum instantia postulavit mandatum apostolicum effectui mancipari Set pars adversa proposuit quod numquam idem diaconus appellasset immo tamquam contumax fuerat a predictis iudicibus excommunicationis vinculo innodatus quod incontinenti se probaturum obtulit per testimonium iudicum predictorum Verum nominatus diaconus proponens predictos iudices contra se post appellationem legitimam processisse ac eorum testimonium contra eum sedem apostolicam appellavit cuius appellationi abbas et coniudices sui humiliter detulerunt quam appellationem eodem diacono prosequente adversarius eius non venit per sex menses et amplius expectatus nec pro se curavit sufficientem mittere responsalem Set quendam nuntium ad impetrandum et contradicendum transmisit quo ad prosequendam appellationem minus idoneo reputato idem predecessor noster videns quod idem diaconus legitime appellarit et quod pars adversa negativam se probaturum offerret videlicet quod non appellans set contumax procurator diaconi a suis iudicibus recessisset [] preposito sancti Lucii S et H canonicis Curiensibus apostolicis dedit litteris in mandatis ut si eis de premissis constaret nullam esse prefatam excommunicationis sententiam nuntiantes sepefatum diaconum sublato cuiuslibet contradictionis et appellationis obstaculo facerent ipsius ecclesie pacifica possessione gaudere Coram quibus partibus constitutis petiit idem diaconus mandatum apostolicum adimpleri Fuit autem ex adverso responsum quod per rescriptum illud iudices procedere non debebant pro eo quod apparebat in ipso suspitio manifesta et quia per falsam suggestionem et suppressionem veritatis videbatur obtentum suspitionis quidem arguebatur ex eo quod in quadam sui parte rescriptum erat abrasum et in alia dissueta construetio videbatur falsitatem vero dicebat in eo predictum diaconem suggessisse quod dixit ipsum prepositum ab Ottone cum erat excommunicatione ligatus misse presentatum episcopo antedicto cum in veritate fuerit a predicto rege Sicilie presentatus Hiis igitur et aliis propositis coram auditore predicto idem habito de mandato nostro consilio venerabilis fratris nostri Albanensis episcopi et aliorum prudentum denuntiavit excommunicationis predicte sententia sepefatum diaconum non teneri Et quia de multis articulis coram ipso capellano propositis qui plurimum facere videbantur ad causam nobis fieri non potuit plena fides de ipsius diaconi et alterius partis procuratoris assensu causam ipsam vobis duximus comittendam per apostolica scripta mandantes quatinus iuxta formam mandati predicti predecessoris nostri appellatione remota in ipso negotio ratione previa procedatis contradictores per censuram ecclesiasticam sublato appellationis obstaculo compescentes Provisuri attente ut si tu fili abbas de Monte sancte Marie iudex datus a nobis suspectus a parte prepositi memorati merito fueris reputatus vos fili abbas de Heremitis et preposite de Oningin in ipso negotio nichilominus sublato appellationis obstaculo procedatis Dat Laterani XII kl aprilis pontificatus nostri anno primo