Charter Document - 04050006
| Charter Number: | 04050006 |
|---|---|
| Cartulary Title: | Chartularium Sangallense III [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1216 |
| Date type: | Assigned |
| Resource Link(s): |
Monasterium.net |
Charter:
Celebrato itaque a dive memorie Innocencio generali concilio nobisque deo propicio ad propria reversis C dicti monasterii sancti Johannis abbas assumptis secum quibusdam melioribus sui conventus literisque aliorum super ratohabitis primam synodum a nobis post prefatam reversionem publice celebratam adiit ibi multis positis coram compositionem a nobis Rome sub prescriptis attestationibus factam ratam et inconvulsam apud se suosque haberi asseveranter declaravit Nos vero ut omnis controversie inter eos habite scrupulus ex integro sopiretur idem sancti Johannis monasterium aliquantis transactis diebus in propria adivimis persona ubi per singulos requirentes cunctis annuentibus dictam confirmavimus composicionem testes idoneos E videlicet de Domo Petri et D de Crvcelingen abbates E et V capellanos nostros in Horne et Eitolfeshein plebanos W de Hugolteshouen C de Anewilaer D de Heitenowe milites aliosque quam plures officiales nostros subscribentes Processu vero temporis memoratus abbas nactus oportunitatem argento a fratribus hospitalis sibi collato predium in Breitenalpe ab ecclesia sancti Galli Sinewellenmat Salewen Edenswilaer a dominis de Guttingen comparavit quem prediorum contractum in proxima postea synodo propalavit presentibus de Domo Petri de sancta Maria de Schafhusen de Uischinun abbatibus de Honingen de Bischoffescelle de Cure prepositis Walthero de Rotenlein Livtoldo Heinrico filio ministri R de Raetershou canonicis de Augia de Hagenowe de Messekirche decanis item de Guttingen A H de Raprehtswilaer canonicis Constantiensibus Alberto de Wile C de sancto Stephano de Haeching[en] de Phaffenhou de Ametencelle de Sweining[en] de Stameh[ein] de Maerwilaer de Wilaer de Svlgen de Sirnah de Siterendorf de Rietberc de Kirhberc de Ermvoting[en] plebanis Ber de Burgelun H de Arbun F et H et B de Zukenriet R et H de Gutting[en] C et filio eius Ber et B de Anewile R et H de Wnnenberc W de Swarcenbah militibus et alii quam pluribus Nos igitur tocius huius facti confirmationi in posterum prospicientes presentem paginam tam nostri quam prenominati abbatis tociusque conventus sigillis studuimus communire