Charter Document - 04040243
| Charter Number: | 04040243 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1255 |
| Date type: | Internal, A.D., Calendar |
| Resource Link(s): |
Monasterium.net |
Charter:
E dei gratia Constantiensis episcopus totumque capitulum eiusdem ecclesie reverendis in Christo [] abbati et conventui monasterii sancti Galli paratam ad beneplacita voluntatem Significavit nobis vir discretus Her miles de Haidilberch ministerialis ecclesie nostre quod ipse curias in Haidoltiswilere et in Buowilere cum pertinentiis suis quas ipse proprietatis titulo possidet et possedit vobis vestroque monasterio conferre proponit simili titulo perpetuo possidendas et easdem a vobis infeodum recipere ac tenere ut vos vice versa dominium quod habetis in bonis de Widinsdorf cum decimis et aliis attinentiis suis que dudum a vobis vestroque monasterio tenet in feodum in nos nostramque ecclesiam transferre similiter debeatis ut ipsede illis facere possit libere per manus nostras quod ipse decreverit faciendum Quare nos requisiti ab ipso Her milite consensum nostrum ut plenum quod agitur sorciatur effectum presentibus adhibemus ratum et gratum quod inde fecerit habituri Et ne possit in posterum ab aliquibus minus debite retractari hanc paginam exinde conscriptam sigillorum nostrorum munimine roboramus Dat Constantie anno domini MCCL quinto XIIII kl februarii indic[ti]one terciadecima