Charter Document - 04040239
| Charter Number: | 04040239 |
|---|---|
| Cartulary Title: | St. Gallen, Stiftsarchiv |
| Charter Language: | German |
| Charter Origin: | Religious |
| Charter Type(s): | Exchange |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
In gottis namin amen Wir abt Bertold von gottis milti in dem klostir zi san Johanne in Turtal tvogen kunt allen die disin geginwurtigin brief lezint ald iemir horint gelesin daz wir aein wehsil haben gimachot II undir uns vnd Johans von Luttirberg daz wir im haben gegebin aeinin kneht der haezit Henr Mecke umb ain andirn kneht der haeizit Bertold der Esman der eltir Vnd daz diz stete bilibe so gig ich Johans disin geginwurtigin brief bisigiltin mit minim gwerin insigil Dar umbe sien wir abt Bertold gezug vnd her Arnold der luppriestir her Alber von Nezilovwe her Cvonr von Vischinun her Alber von Hedwank Volr von sant Johanne Arnold der Koch vndir erber lute ginvoge Diz geschach in dem klostir zi sant Johanne in dem selbin jare do von gottis geburte warint tusint vnd zaei hundirt vnd dru vnd nuzn jar an sant Gedrud tage