Charter Document - 04040236
| Charter Number: | 04040236 |
|---|---|
| Cartulary Title: | St. Gallen, Stiftsarchiv |
| Charter Language: | German |
| Charter Origin: | Religious |
| Charter Type(s): | Exchange |
| Date: | 1266 |
| Date type: | Internal, A.D., Feast |
| Resource Link(s): |
Monasterium.net |
Charter:
Min vrowe div ebtischinne Mehthilt von Schennis vnde elliv div samenunge chvndint allen dien die nv sint alde her nach chomen svn daz wir mit gemeinem rat han gewechselot mit abte Volrich von sant Johanne in Tvrtal zwen chneht Berhtolten Phifelin vnde Chvonraten sinen brvoder vmbe zwen ander chneht daz ist der eine Wernher von Lustenowe der ander Chvone Boz von Wesin der alt Daz diz stete belibe vnde ane allen velsche vnde vnwandelbere so heinch ich her an min insigil vnde der samenunge Diz geschach nach vnsirs herren geburt tvsint iar vnde zwei hundirt iar vnde sehzich vnde sechs iar an sant Lucien tage