Charter Document - 04040219
| Charter Number: | 04040219 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1262 |
| Date type: | Internal, A.D., Calendar |
| Resource Link(s): |
Monasterium.net |
Charter:
E dei gratia Constantiensis episcopus omnibus presentium inspectoribus salutem et sinceram in domino caritatem Ut ea que pro utilitate monasteriorum nostre dyocesis aguntur rata permaneant nec cuiusquam cavellationis ingenio irritentur auctoritatis nostre debent robore confirmari Presentes igitur noverint et futuri quodcum reverendi in Christo [] abbas et conventus monasterii sancti Johannis in Tvrtal a nobili viro H de Kemtun predium suum dictum Ze dem Wassere cum hominibus advocatia pratis pascuis nemoribus viis ac omnibus suis iuribus cultis et incultis privatis et publicis pro centum et quatuordecim marcis argenti iuste ac legaliter conparassent matre sua que dictarum possessionum donec viveret habuit usumfructum volente et consentiente et resignante usumfructum memoratum idem nobilis nobis per suas litteras devotissime supplicavit ut super prefata emptione supradictis abbati et conventui litteras nostras patentes et sigillatas sigillo nostro concedere in testimonium dignaremur Nos igitur dicti nobilis iustis super hoc precibus annuentes sepefatis abbati et conventui presentes litteras nostras in testimonium emptionis prescripte concessimus sigilli nostri robore conmunitas Datum Constantie anno domini MCCLXII III non septemb