Charter Document - 04040211

In nomine sancte et individue trinitatis Fridericus secundus divina favente clementia Romanorum imperator semper augustus Jerusalem et Sicilie rex + Licet ex suscepto imperii gubernaculo omnibus imperii fidelibus simus debitores ad iusticiam exhibendam et ad iuris defensionem eorumdem diligencius tamen viros religiosos oculo benigniori respicere tenemur et eis suisque ne graventur indebite pia sollicitudine providere Huius itaque rei gratia dilectus fidelis noster Cunirandus abbas sancti Johannis in Tuiral certam habens fiduciam super benignitate ac providencia maiestatis nostre ad nostram aput Rauennam accedebat presenciam et coram testibus subscriptis commisit nobis et ab ipso recepimus advocaciam omnium possessionum ecclesie et cenobio suo adtinentium ut amodo sub omnimoda tuicione nostra ipsam tenere debeamus Promisimus econtra abbati et omnibus eius successoribus ac presenti scripto profitemur quod eamdem advocaciam numquam a nobis et imperio aliena bimus racione infeudacionis obligacionis vel cuiuscumque alienacionis set loco nostri constituemus ibidem advocatum pro tempore vel vice advocatum quousque nostre insederit voluntati Preterea memoratus abbas quosdam homines et sub certis terminis constitutos de nostro consensu excepit videlicet in valle Clostobil et Starchembach Gebrechimber et Rotinrisinum et circa locum et cellam sancti Petri infra tales terminos residentes Suidin Dufin Sterchimbach et Engilcinberc ita quod homines infra prenominatos terminos ab omni exactione et Servitute quantum ad nos liberi sint et immunes et ad prenominata loca tam nos quam vice advocatus noster numquam accedemus nisi predictus abbas vel eius successor duxerint nos invitandum ut quicquid ibidem fuerit proclamatum pro causis et necessitatibus dicti monasterii rite peragamus Et quicquid per emendam vel correctionem a dictis hominibus per iudicium haberi poterit media vero pars cedat nobis reliqua abbati prelibato Insuper ad instanciam sepedicti abbatis firmiter promisimus quod a quolibet mansu eiusdem advocacie tam nos quam vice advocatus noster nichil amplius quam mensuram unam avene que in vulgari dicitur scefel et quattuor solidos annuatim exigamus Quicquid per iudicium per totam advocaciam exactum vel conquisitum fuerit inter nos et abbatem equaliter dividatur Indulgendo itaque recognoscimus eidem abbati vel eius successori quod ministeriales nostri de bonis suis divine retribucionis intuitu duxerint conferendum eisdem quod ratum habebimus et firmum Volentes itaque sepefato abbati tamquam benemerito et eius successoribus specialem graciam exhibere ipsos in dilectos capellanos nostros recepimus et cum esse in curia nostra voluerint ad prosequendas ipsorum querimonias vel alia de causa ipsi cum octo equitaturis ab officiatis curie nostre in expensis necessariis et honestis plenarie procurentur Et ut omnia predicta a nobis et successoribus nostris firmiter observentur presentem paginam bulla aurea tipario nostre maiestatis impressa iussimus roborari Huius autem rei testes sunt B patriarcha Aquilegensis Albertus Magdeburgensis [] Rauennensis et B Panormitanus archiepiscopi [] Pabibergensis [] Wormaciensis [] Brixinensis [] Osemburgensis N Reginus [] Ariminensis [] Ymolensis [] Lausannensis [] et Fesulanus episcopi [] abbas Monasteriensis Albertus dux Saxonie Gebardus de Arnestein legatus imperii in Ytalia comes Adulfus de Schounbuceh comes Vdolfus de Alrement comes Heinr de Waldenberch comes Maynardus de Mulegeult Vlricus burgravius de Witin Gotifridus de Hoenloch Gunzulinus senescalcus Cuniradus pincerna de Clingeburch et alii quam plures + Signum domini imperatoris Friderici secundi dei gracia invictissimi Romanorum imperatoris semper augusti [M] Jerusalem et Sicilie regis + Acta sunt hec anno dominice incarnacionis millesimo ducentesimo tricesimo primo mense decembr quinte indictionis imperante domino nostro Fr secundo dei gracia invictissimo Romanorum imperatore semper augusto Jerusalem et Sicilie rege anno imperii eius duodecimo regni Jerusalem septimo et Sicilie tricesimo quarto feliciter amen Dat in civitate Rauenne anno mense et indictione prescriptis