Charter Document - 04040201
| Charter Number: | 04040201 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1253 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius + episcopus servus servorum dei dilectis filiis [] abbati et conventui monasterii sancti Galli ordinis sancti Benedicti Constantiensis diocesis salutem et apostolicam benedictionem Pie postulatio voluntatis effectu debet prosequente compleri ut devotionis sinceritas laudabiliter enitescat et utilitas postulata vires indubitanter assumat Ex parte siquidem vestra fuit nobis humiliter supplicatum ut cum propter guerarum pericula et discordiam generalem redditus monasterii vestri inimicis ecclesie facientibus sint nimium diminuti ecclesiam Abbatis Celle curam animarum habentem in qua ius patronatus habetis retinendam in usus proprios vobis et eidem monasterio concedere curaremus Nos igitur supplicationibus vestris benignum impertientes assensum auctoritate vobis presentium indulgemus ut prefatam ecclesiam si vacat ad presens vel cum eam vacare contigerit retinere in usus proprios libere valeatis proviso quod eiusdem ecclesie vicario de ipsius redditibus ea portio reservetur quod exinde sustentari et alia ecclesie prefate onera valeat sustinere Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Perusii III id marcii pontificatus nostri anno decimo