Charter Document - 04040188

Universis et singulis in Christo dilectis presentibus et futuris ad quorum noticiam presens instrumentum pervenerit Cunr pincerna de Landegge miles noticiam subscriptorum Ut gestorum memoria posteris transmitatur expedit ea testium ac scripturarum robore perhennari Noscat itaque tam presentium quam futurorum singulorum discretio per presentes quod ego ius patronatus ecclesie Burron super quo inter venerabilem in Christo dominum Wilh dei gratia abbatem monasterii sancti Galli ex una et me ex parte altera causa litigiosa vertebatur pro me et Omnibus meis heredibus sive legittimis successoribus pure ac libere sancti Galli monasterio et predicto domino Wilh[elm]o fraudis dolo sublato quolibet tamquam vero et iusto patrono dono et remitto et donasse et remisisse per presentes protestor et confiteor in quieta possessione ex nunc inantea perhenniter possidendum renuntians pro me et omnibus meis heredibus testimonio presentium omni iuris auxilio seu beneficio quod in dicte ecclesie iure patronatus habui et mihi competere putavi omni inpetitione aut etiam usurpacione que per me aut meos heredes in posterum fieri posset cessante qualibet coram omni iudice tam ecclesiastico quam civili Verum ne supra memorate ecclesie iuris patronatus donatione sive resignatione per me et meos heredes ut premissum est prefato domino Wilh[elm]o et sancti Galli monasterio tam libere facta ambiguitas inhereat mentibus aliquorum sepenominato domino abbati suoque monasterio meo ac venerabilis domini H dei gratia episcopi Const[antiensis] sigillo presens instrumentum tradidi roboratum Datum et actum aput sanctum Gallum anno incarnationis domini millesimo CC nonagesimo VI V kl febr indic IX presentibus viris nobilibus et hon[orandis] videlicet domino H de Griessenberc comite Wilh[elm]o de Monteforti R de Roschach et R de Landenberc clericis L pincerna de Landegge Egl[olf]o Monetario et C ministro oppidi sancti Galli Johanne dicto Spiser et R fratre suo R dicto Kuchimaister ministro in Abbatis Cella C ministro in Huntwile multisque aliis presentibus fide dignis Nos H dei gratia episcopus Const[antiensis] ad strennui viri C pincerne de Landegge militis instantes petitiones in roborationem premissorum firmiorem nostrum sigillum fecimus presentibus aplicari die et annis superius annotatis indic predicta