Charter Document - 04040186
| Charter Number: | 04040186 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1291 |
| Date type: | Internal, Calendar, Papal |
| Resource Link(s): |
Monasterium.net |
Charter:
Nicolaus episcopus servus servorum dei dilecto filio Friderico dicto Zorl preposito ecclesie in Berlaco Augustensis diocesis salutem et apostolicam benedictionem Dilecti filii Burchardi dicti Homo perpetui capellani altaris sancti Petri in ecclesia de Vile Constantiensis diocesis precibus inclinati presentium tibi auctoritate mandamus quatinus ea que de bonis ad perpetuam capellaniam suam ipsius altaris spectantibus alienata inveneris illicite vel distracta ad ius et proprietatem eiusdem capellanie legitime revocare procures contradictores per censuram ecclesiasticam appellatione postposita compescendo Testes autem qui fuerint nominati si se gratia odio vel timore subtraxerint censura simili appellatione compellas veritati testimonium perhibere Dat apud Vrbemueterem XV kl septembr pontificatus nostri anno quarto